კოკოითი ომს აცხადებს. სეპარატისტები ქართულ საგუშაგოებს უტევენ. ვითარება კონფლიქტის ზონაში უკიდურესად იძაბება. უკვე რამდენიმე საათია ცხინვალიდან სოფელ ავნევის მიმართულებით ისვრიან. სეპარტისტებმა ქართული სამშვიდობო ძალების კუთვნილი ჯავშანმანქანა ააფეთქეს.

--------------------------------------------------------------------------------------------------------------------------------------------




საქართველოს პრეზიდენტი მიხეილ სააკაშვილი რუსეთის ფედერაციას კონფრონტაციის შეწყვეტისა და ცხინვალის მთავრობიდან საკუთარი ოფიციალური წარმომადგენლების გაწვევისკენ მოუწოდებს.

''დროა რუსეთმა ცხინვალის მთავრობიდან თავისი წარმომადგენლები გაიწვიოს, რადგან 30 ათასს კაცს მათი მართვა არ სჭირდება. რუსეთმა დაუყოვნებლივ უნდა შეწყვიტოს კონფრონტაცია და რეგიონი მშვიდი ცხოვრების რიტმს დაუბრუნდეს,'' - განაცხადა საქართველოს პრეზიდენტმა დღეს გორის ჰოსპიტალში, სადაც კონფლიქტის ზონაში დღეს მომხდარი სროლის შედეგად დაჭრილი ქართველი სამშვიდობოები მოინახულა.

პრეზიდენტმა გამოთქვა იმედი, რომ რუს დიპლომატებთან მოლაპარაკებები დადებითად დასრულდება და კიდევ ერთხელ ხაზგასმით აღნიშნა, რომ საქართველიო გამოიჩენს მაქსიმალურ თავშეკავებას, თუმცა პროვოკაციების გაგრძელებას არავის ურჩევს.

--------------------------------------------------------------------------------------------------------------------------------------------




კონფლიქტის ზონის ქართული სოფლების მოსახლეობა ხელისუფლებისაგან რეგიონში შეიარაღებული ნაწილების შეყვანას და სეპარატისტრების მხრიდან თავდასხმების აღკვეთას მოითხოვს.

ადგილობრივები ამბობენ, რომ სიმშვიდისა და ქვეყნის უსაფრთხოებისათვის მოსახლეობა სამხედროების გვერდით დადგება. ისინი საკუთარი სახლების დატოვებას არ აპირებენ, ქართველები ვითარების კიდევ უფრო გამწვავების შემთხვევაში სოფლებიდან მხოლოდ ბავშვების და ქალების გაყვანაზე არიან თანახმა.

--------------------------------------------------------------------------------------------------------------------------------------------

ქართულმა მხარემ მიიღო გადაწყვეტილება საპასუხო სროლის შეწყვეტის შესახებ

NEW

ქართულმა მხარემ მიიღო გადაწყვეტილება საპასუხო სროლის შეწყვეტის შესახებ - ამის შესახებ განცხადება დღეს სახელმწიფო მინისტრმა რეინტეგრაციის საკითხებში თემურ იაკობაშვილმა გააკეთა. მისი თქმით, საქართველოს ხელისუფლება კიდევ ერთ ნაბიჯს დგამს სამხედრო კონფლიქტის თავიდან აცილების მიზნით და ამ ეტაპზე ცეცხლის შეწყვეტის გადაწყვეტილებას იღებს.

''საქართველო ჯერ კიდევ ცდილობს თავი აარიდოს სამხედრო კონფრონტაციას და ამ ეტაპზე მიღებულია გადაწყვეტილება ცეცხლის შეწყვეტის შესახებ,'' - აცხადებს იაკობაშვილი, რომელიც დღეს ცხინვალში იმყოფებოდა, თუმცა სეპარატისტების წარმომადგენლებს ვერ შეხვდა. მისი თქმით, ჩოჩიევი სატელეფონო ზარებს არ პასუხობდა, კოკოითი კი საერთოდ არ იმყოფება ცხინვალში. თემურ იაკობაშვილი რუსი სამშვიდობოების შტაბში რუს სარდალს მარატ კულახმეტოვს შეხვდა.

--------------------------------------------------------------------------------------------------------------------------------------------


NEW
საქართველოს პრეზიდენტმა მიხეილ სააკაშვილმა, როგორც ქვეყნის უმაღლესმა მთავარსარდალმა, რამდენიმე საათის წინ ბრძანება გასცა, რომ საქართველოს კონტროლის ქვეშ მყოფმა არც ერთმა პოლიციურმა თუ სხვა ქვედანაყოფმა საპასუხო ცეცხლი არ გახსნას ძალიან ინტენსიური დაბომბვის შესაჩერებლად, - ამის შესახებ საქართველოს პრეზიდენტმა მიხეილ სააკაშვილმა დღეს საღამოს, ტელეეთერით გაკეთებულ სპეციალურ მიმართავში განაცხადა.
”მე ეს სრულიად შეგნებულად გავაკეთე” , - აღნიშნა პრეზიდენტმა. მისი თქმით, ქართულ მხარეს ჰყავს დაღუპულები, არიან დაჭრილები და მრავალი სახლია დაზიანებული და დანგრეული.
მიხეილ სააკაშვილის განცხადებით, ქართულ-ოსური კონფლიქტის ზონაში პროვოკაციებმა მასშტაბური და მშვიდობისთვის საშიში ხასიათი მიიღო, ცხინვალში და ცხინვალის გარეთ რთული ვითარება შეიქმნა. პრეზიდენტის თქმით, ამ წუთებშიც კონფლიქტის ზონაში ინტენსიური ცეცხლია გახსნილი არტილერიიდან, უკანონოდ შეყვანილი ტანკებიდან, უკანონოდ მყოფი თვითმავალი საარტილერიო დანადგარებიდან და ყველა სახის სხვა იარაღიდან.
პრეზიდენტის განცხადებით, ქართული მხარე მუდმივ კონტაქტში იყო რუსეთის ადგილობრივი სამშვიდობო ძალების ხელმძღვანელობასთან. მათ კი რამდენიმე საათის წინ განაცხადეს, რომ მთლიანად დაკარგული აქვთ კონტროლი სეპარატისტების მოქმედებებზე.
”ჩვენ გვაქვს მუდმივი კონტაქტი რუსეთის საგარეო საქმეთა სამინისტროს ხელმძღვანელობასთან. რუსეთის საგარეო საქმეთა სამინისტრო პრაქტიკულად, როგორც ამბობენ ცდილობს, მაგრამ ვერ ახერხებს კონფლიქტის ზონაში სეპარატისტების მიერ ცეცხლის შეწყვეტის მიღწევას”, - აღნიშნა მიხეილ სააკაშვილმა.

პრეზიდენტმა მოუწოდა სეპარატისტების მხარეს მებრძოლ ყველა მოქალაქეს, რომ სთავაზობს სრულ ამნისტიას თუ კი ისინი სამშვიდობო პროცესს შეუწყობენ ხელს. ამასთან პრეზიდენტმა კიდევ ერთხელ შესთავაზა სამხრეთ ოსეთის მოსახლეობას ფართო ევროპული ავტონომია, რუსეთს კი ამ ავტონომიის გარანტორად ყოფნა.

--------------------------------------------------------------------------------------------------------------------------------------------


NEW გორი დაიბომბა

11:30 საათზე რუსულმა მოიერიშე თვითმფრინავებმმა გორი დაბომბდეს. შინაგან საქმეთა სამინისტროს ინფორმაციით, გორის თავზე ოთხი მოიერიშე თვითმფრინავი შემოფრინდა, თავდაცვის ძალებმა მხოლოდ ერთი მათგანის ჩამოგდება შეძლეს, მსხვერპლის შესახებ ინფორმაცია არ ვრცელდება.

--------------------------------------------------------------------------------------------------------------------------------------------


NEW ქართული შენაერთები ცხინვალის 70%-ს აკონტროლებენ

საქართველოს ხელისუფლება ცხინვალის უკვე 70 პროცენტტს აკონტროლებს, განცხადება ამის შესახებ რამდენიმე წუთის წინ გიგი უგულავამ გააკეთა. მთვარობა ერგნეთში დერეფანს აკეთებს და ცხინვალში დარჩენილი მოსახლეობას გორში გადმოსვლას სთავაზობს და დაბინავებას პირდება.
3 საათიდან 6 საათამდე ხელისუფლება სროლაზე მორატორიუმს აცხადებს და მათ ვინც იარაღს დადებს ხელშეუხებლობის გარანტიას აძლევს. ოსი ეროვნების მოსახლეობას გორიდან დიმიტრი სანაკოევმაც მიმართა.